Hierzu am linken Rand: Non lege
Ock en schall nymand hebben daren boven
erden, (upp̅) uppe (boene̅) boenen edder an wenden. Sunder
we dar deren will, de mach maken eyne
daren (upp̅) uppe sine delen, de he wedder by neme.
Unde doch so en schall nymand (binne̅) binnen der stad
hoppen dar (upp̅) uppe deren unde schall dar by
hebben water, dat neyn schade dar von
kome. We dar enboven dede, de schall eyne
halve roden mit kalke muren an der stad
feste, wor (on̅) one de rad wiste.

Dar schall ock nymand backoven edder esen
slan edder setten an nye edder olde stede.
Doch we dat don wolde, scholde erst vor dat
hus komen unde (dem̅) deme rade dat witlick doen,
ore frunde dar by tosendende unde dat laten
besehin, wor unde an welken steden men
den slan unde setten mochte. We (dussem̅) dusseme
anderst dede, den will de rad dar (um̅e) umme fer-
digen unde schal (dem̅) deme rade dat vorboeten
unde gelike woll den oven edder esen weder
upnemen.

Dar schall ock nymand stro, flas, kornte
(ym̅) ymm stro noch huw by sick in sy husz, dar
he fuer unde rock hefft, noch (bovͤe̅) bovͤen (upp̅) uppe
de boenen bensen edder leggen, (upp̅) uppe dat
neyn schade noch unradt errise by (pine̅) pinen
eyner (halve̅) halven roden mit kalke (und̅) unde (steyne̅) steynen
to (muren̅) murende an der stad feste.