Textschichten (graphische Darstellung)
Metadaten
ThemaVormundschaft
Datierung22. Okt. 1497
TextschichtDer ursprüngliche Text der Neuredaktion, verfaßt von Marquard Marquardi (MM), umfaßt sechs Absätze und weist keine weiteren Bearbeitungen auf.
Zusätzlich dargestellt
Schreibkorrekturen: Korrekturen unmittelbar im Schreibfluß, die keiner (späteren) Textschicht zugeordnet werden.
ZitationKundige bok 2, digitale Edition, Vormundschaft, 22. Okt. 1497 <http://kundigebok.stadtarchiv.goettingen.de/kb2Web/Main?cite=35ymbf8> (17.01.2018)

||
KA48R
Von vormuͤnden


Id en schall nu vortmer nymand, de mit uns
wonet, he sy fruwe edder man, borger edder
medewoner, synen kinderen, magen edder
frunden in (synem̅) syneme lesten edder anders to
(vormu̅den) vormunden setten edder kesen, jenige (vormu̅den) vormunden
anders (denn̅) denne de hir by uns wonhafftich
beseten (borge) borgere, unde (dem̅) deme rade dingkplichtich
sin. Unde de (sulve̅) sulven (vormu̅den) vormunden, se sin gesat
von (elden) elderen edder in testaments wise, (kinden) kinderen
edder anders, schullen vorplichtiget sin, unsere
(weisemester̅n) weisemesteren alle jar rekenschup todoende,
wan we dat von (on̅) one eschen laten, ane
weddersprake, ock uns plichtich sin, von (sodann) sodanner orer mundelin unde orer (gude) gudere wegen
alle jerlicks to schotende unde (ande) andere stadplicht
gelick (ander̅n) anderen (unser̅n) unseren (medeborgen) medeborgeren todoende,
de (mu̅deline) mundeline sin, hir by uns wonhafftich
edder buͤthen landes unde dar so by varen
gelick, eff se ore eyde to der mundelin schote,
wan de rad dat von (on̅) one eschede, doen
scholden.


De sulven vormunden schullen ock den rad
wys maken unde rechte berichten in
(dem̅) deme schote, wes de (kinde) kindere edder mundelyne
von erffguderen unde ock an (ander̅n) anderen (gudere̅) guderen,
an gelde edder an schuld edder sus hedden, gelick
alse (ande) andere unse (medeborge) medeborgere tor schot tid don
moten.


We avͤer dyt anders hilde edder ock (ande) andere
(vormu̅den) vormunden, wan alse hir vorberort is, (sine̅) sinen
kinderen, frunden edder magen settede, so
scholde (sodann̅) sodanne vormundeschup unde settinge
der (vormu̅den) vormunden machtlos unde nicht sin.
De jenne, de dat ock so in (sinem̅) sineme lesten edder
(testament) testamentes wise bestalt hedde, uns unde
unser stad in viff marcken vorfallen
unde dat testament vor nicht geacht unde
ungesat sin.


||
KA48V


Idoch hedde eyn man edder eyn fruwe (eyne̅) eynen broder
edder (son̅) sone, dede geistlick unde doch muͤndich (und̅) unde
hir by uns wonhafftich were, wolde de in (ore̅) oren
lesten edder testamente oren (kinden) kinderen den to (vormu̅den) vormunden mede setten, de scholde dat holden in aller
mathe, alse ovͤen berort ist. Unde mochten
doch to den gesatten (vormu̅den) vormunden sodan or (broder) brodere
edder sone, dede geistlick were, mede to (vormu̅den) vormunden
setten, der (mu̅delin) mundelin gud na des mannes edder
fruwen dode, mede to bewarende unde to vor-
stande. Sunder de jenne, de mit den (geistlike̅) geistliken
gesat weren, scholden (dem̅) deme rade unde der
stad der (kinde) kindere gud vorstan ock des wys
maken unde rekinschup dar von don,
wan men dat von (on̅) one esschede ane indracht
der geistlicken mede (vormu̅den) vormunden ane alle geuͤerde.


Weret ock dat (sodann̅) sodanne vormunden in (dem̅) deme
lesten von den (elden) elderen edder anders gesat
den rad edder (weisemeste) weisemestere der kindere
gud nicht alle benomeden edder unrechte
berichtiden unde (dem̅) deme rade (und̅) unde der stad
dar mede or schot unde rechten plicht ent-
fernen unde vorbeholden meynden. So
wolde de rad dat mit (sodanem̅) sodaneme unvor-
schotiden gude der kindere edder muͤndelin
holden, alse mit (ander̅n) anderen borger guderen,
de (dem̅) deme rade unde der stad unvorschotet
weren. Unde nemen de mundeline edder
(kinde) kindere der halven schaden, dat mochten se
an orer (vormu̅den) vormunden gude wedder soyken (und̅) unde
sick des dar (ann̅) anne erhalen.


||
KA49R


Welk fruwe sick (vorander̅n) voranderen (und̅) unde (eyne̅) eynen
(ander̅n) anderen man nemen will, de erve (und̅) unde
gud hefft, theyn marck gewert, de knecht,
man unde fruwe schullen sick nicht laten
tohope gevͤen noch by slapen, de knecht edder
man sy hir (tovorn̅) tovornt borger. We dat anders
hilde, de scholde (dem̅) deme rade viff marck gevͤen
unde doch noch borger werden, ehir de
bruweden edder jenige handelinge hir mit
uns hedden.