Ock en schal nymand hebben daren boven erden, (upp̅) uppe bonen
edder an wenden. Sunder we dar deren wil wil, de mach
maken eyne daren (upp̅) uppe sine delen, de he wedder by neme. (Und̅) Unde
doch so en schal nymand bynnen der stad hoppen dar (upp̅) uppe
deren, unde schal dar by hebben water, dat neyn schade dar
von kome. We dar en (bove̅) boven dede, de schal eyne halve roden
mit kalke muren an der stad feste, wor (on̅) one de rad wiste . Dar (vor) vore wete sick eyn je-
welick to bewarende, (went̅) wente de rad wil dat lathen, besehin
und ferdighen.

Dar schal ock nymand backovene eder esen slan edder setten an nye
edder old stede. Doch we dat don wolde, scholde erst vor
dat hus komen (und̅) unde (dem̅) deme rade dat witlick don, ore frunde
dar by to sendende (und̅) unde dat lathen besehin, wor (und̅) unde an welken
steden men den slan (und̅) unde setten mochte. We (dussem̅) dusseme anders
dede, den wil de rad dar (u̅me) umme ferdighen (und̅) unde schal (dem̅) deme
rade dat vorboeten (und̅) unde gelike wol den oven wedder up
nemen.

We ock de houwel, hacken, schuppen, boren edder (ander) anderer ghereyde-
schup by den graven edder anderswor (dem̅) deme rade (und̅) unde der
stad entferdigide, de indroge, vorkoffte edder koffte unde
des besecht (und̅) unde (erwu̅nen) erwunnen worde, de schal der stad gheven
teyn foeder steyns, (und̅) unde de rad wil dar laten acht up hebben
unde ferdighen.