Ock en schal nymand hebben daren (bove̅) boven erden, (upp̅) uppe (bone̅) bonen
edder an wenden. Sűnder we dar deͤren wil, de mach ma-
ken eyne daren (upp̅) uppe sine delen, de he wedder bij neme
unde doch so en schal nymant (bynne̅) bynnen der stadt (hoppe̅) hoppen
dar (upp̅) uppe deren unde schal dar bij hebben water, dat (ney̅) neyn
schade dar von kome. We dar en (bove̅) boven dede, de schal eyne
halve roden mit kalke műren an der stadt feste, wor (on̅) one
de radt wiste. Dar (vor) vorer wete sick eyn jewelk to bewa-
rende, (went̅) wente de radt wil dat laten besehin unde ferdigen.

Dar schal ock nymandt backovene eder esen slan (edd) edder
setten, an nye edder olde stede. Doch we dat don wolde,
scholde erst vor dat huß komen, unde (dem̅) deme rade dat
witlick doen, ore frunde dar bij to sendende, (und̅) unde dat
laten besehin, wor unde an welken steden men den
slan under setten mochte. We (dussem̅) dusseme anderst dede, den
wil de radt dar (u̅me) umme ferdigen unde schal (dem̅) deme rade
dat vorboeten unde gelike wol, den oven edder esen wedder up
nemen.