Textschichten (graphische Darstellung)
Metadaten
ThemaHausbedachung
Datierung6. Nov. 1468
TextschichtDer ursprüngliche Text dieser Neuredaktion, verfaßt von Andreas Brun (AB) umfaßt eine Seite. Er schließt an den Text über lecht an.
Zusätzlich dargestellt
Schreibkorrekturen: Korrekturen unmittelbar im Schreibfluß, die keiner (späteren) Textschicht zugeordnet werden.
ZitationKundige bok 2, digitale Edition, Hausbedachung, 6. Nov. 1468 <http://kundigebok.stadtarchiv.goettingen.de/kb2Web/Main?cite=3xtghqt> (22.04.2018)

||
KA30R
Von husen, wo men
de decken schal


We eyn nige huß buwet, de schal dar (eyne̅) eynen herd (upp̅) uppe slan
edder schal id decken mit teigile edder mit scheverstey-
ne. Wat dat kostet, des wil de rad den dridden (pe̅ni̅gk) penningk
wedder gheven.


Ock we dar hefft eyn huß mit teigil gedecket, de en schal
nicht mit stro (upp̅) uppe den teigil edder dar yn decken. We
dat dar en boven dede, de scholde dat vorboten na gnaden
des rades unde doch like wol dat stro dack affwerpin,
dat he so (upp̅) uppe den teigil edder dar yn gedecket edder ge-
lecht hedde.


Dar schal ock nymant sin huß, schűne edder stelle decken
mit rugem dake sunder geverde.


Welk decker ock anderß deckede mit stro in de teigile (edd) edder
mit rugem dake, de scholde dat ok (vorbeter̅n) vorbeteren, gelick alse
de de dat don let.


We ock eyn ander buw buwede in synem hove (und̅) unde dat
mit eynem teigil dake, scheversteyne edder herde decken
leyte, (dem̅) deme wil de rad ock den dridden (pe̅ni̅g) penning (wedd) wedder geven.


Ock en schal nymant steynen wende edder steynen geffel-
wende affbreken, id en sij dat he den rad (vor) vore dar bij ge-
bracht unde besehin hebben laten. Unde dat deme dar
(u̅me) umme holden, wo den rad gud dűncket. We dat dar en
boven dede, de scholde dat (vorbeter̅n) vorbeteren na gnaden des rades.


Ock en schal eyn jewelk, he sij arm edder rike, de eyn eigen
huß hefft, eyne eigen (ledder̅n) ledderen hebben, so langk dat he
moghe uppe sin dack komen. Wan des not (we) were, (und̅) unde we
der nicht enhefft, dar wil de radt laten acht up
||
KA30V
hebben unde de scholde deme rade unde der stadt eynen
halven ferdingk gheven unde doch sine (ledder̅n) ledderen tugen
von stűnd bij der sulven pyne.